Satra 22 maart 2008—Wan dei di wi musu memre!

NA A mofoneti bifo Yesus dede, a ben gi den disipel fu en wan brede sondro srudeki nanga wan kan redi win, èn a ben taigi den fu nyan èn fu dringi. A ben taigi den sosrefi: „Tan du disi fu memre mi.”—Lukas 22:19.

A yari disi wi sa memre a fesa disi tapu satra 22 maart, baka te son dongo. Yehovah Kotoigi na heri grontapu sa kon makandra tapu a tumusi prenspari neti disi, fu hori a Memrefesa na a fasi fa Yesus ben komanderi den fu du. Den e gi yu wan switi kari fu du disi makandra nanga den. Grantangi, aksi Yehovah Kotoigi na ini a kontren pe yu e tan fu gi yu a soifri yuru nanga a soifri presi pe a spesrutu konmakandra disi o hori.