Wan spesrutu lezing

Suma na a wan-enkri sma di man tiri libisma trutru?

Sortu tiriman man:

• lusu moni problema, sorgu taki nofo nyanyan de gi ala sma, èn taki ala sma abi wan bun tanpresi?

• sorgu taki rampu no e pasa, èn taki sma no abi fu ondrofeni den takru bakapisi di bigi frudu, bigi draiwinti, noso gronseki e tyari kon?

• puru ala siki, èn sorgu srefi taki owrusma e tron yongusma baka di abi furu krakti?

• tyari wan kaba kon na ala orloku, so taki den sma di a e tiri kan libi na ini vrede èn kan abi a dyaranti taki sani sa waka bun nanga den?

• seti grontapu kon bun baka, èn kenki en kon tron wan paradijs?

Wán Tiriman nomo de di man tyari ala den blesi disi kon gi libisma. Suma na a Tiriman disi? Yu sa kisi piki tapu na aksi disi na ini a publikitaki di nen: „Suma na a wan-enkri sma di man tiri libisma trutru?” A Bijbel lezing disi sa hori na heri grontapu na ini moro leki 230 kondre. Na furu presi a lezing disi sa hori tapu sonde siksi april 2008, na ini den Kownukondre zaal fu Yehovah Kotoigi. Yehovah Kotoigi na ini a birti fu yu sa prisiri fu taigi yu o lati a lezing disi sa hori, èn pe a sa hori. Wi e gi unu wan switi kari fu kon arki a lezing disi.