Wan spesrutu Bijbel lezing

O ten trutru vrede o de èn o ten ala sani o waka bun?

Dusundusun yari kaba, libisma e suku trutru vrede èn den wani taki sani waka bun. Ma libisma no ben man tyari trutru vrede kon. Fu san ede? Bijbel e taki fu tu prenspari reide fu san ede den no ben man du dati. Bijbel e gi wi a moi dyaranti disi tu: Gado pramisi taki a o tyari trutru vrede kon na heri grontapu èn a o meki ala sani waka bun gi libisma fu ala ten.

Fa a o tyari a vrede disi kon, èn fa a o meki taki sani waka bun gi libisma? O ten a o du dati? San yu musu du fu libi na ini a moi ten dati? A publiki taki di nen „O ten trutru vrede o de èn o ten ala sani o waka bun?”, o gi piki tapu den aksi disi. A lezing disi di teki puru fu Bijbel o hori na heri grontapu na ini moro leki 230 kondre. Na furu presi, a o hori tapu sonde 18 april 2010, na ini a Kownukondre zaal fu Yehovah Kotoigi na ini a birti fu yu. Den Kotoigi na ini a birti fu yu o breiti fu fruteri yu pe a lezing disi o hori èn o lati a o bigin. Wi e gi yu wan switi kari fu kon.