Opo taki gi a tru anbegi!
Gi den yonguwan
Opo taki gi a tru anbegi!
Den sani di yu musu du: Te yu e leisi a pisi disi, dan du dati na wan tiri presi. Te yu e leisi den Bijbeltekst, dan prakseri fa a ben o de efu yu ben o de drape. Pruberi fu si san e pasa, èn pruberi fu yere den sten fu den sma. Yu sabi fa den moro prenspari sma na ini a tori e firi? Si a tori neleki a e pasa trutru na yu fesi.
Den moro prenspari sma: Elia, Akab, èn sowan 450 profeiti fu Bâal
A tori: Elia e sori taki Yehovah tranga moro Bâal.
1 PRUBERI FU SI SAN E PASA.—LEISI 1 KOWNU 18:17-40.
Teken na tapu wan pisi papira pe yu denki taki Elia ben tanapu, pe den profeiti fu Bâal ben tanapu, èn pe den altari ben de.
Yu kan „yere” sortu babari den sma e meki te yu e leisi vers 26 te go miti 29?
․․․․․
Fa yu denki taki Elia e firi te a e taki nanga den profeiti fu Bâal?
․․․․․
2 ONDROSUKU A TORI MORO FINI.
Fu san ede Elia ben musu abi deki-ati fu go na Akab èn hori wan strei di ben o meki den hondrohondro profeiti fu Bâal kisi syen? (Luku: 1 Kownu 18:4, 13, 14.)
․․․․․
Gebroiki tra publikâsi di yu abi èn pruberi fu kon sabi moro fu na anbegi fu Bâal. Fu eksempre, sortu sani den sma ben e du te den ben e anbegi Bâal? Sortu krakti na anbegi fu Bâal ben abi tapu den Israelsma?
․․․․․
Fu sani ede yu denki taki Elia ben diki wan gotro lontu na altari fu Yehovah èn fu san ede a meki sma furu en nanga watra?
․․․․․
3 DU SAN YU LERI. SKRIFI DEN SANI DI YU LERI FU . . .
A deki-ati di yu musu abi fu opo taki gi a tru anbegi.
․․․․․
Den wini di sma o kisi te den abi a deki-ati dati.
․․․․․
TRA SANI DI YU KAN LERI FU A PISI TORI DISI.
Na sortu fasi yu kan sori moro deki-ati fu di yu e opo taki gi a tru anbegi?
․․․․․
4 SORTU SANI NA INI A TORI DISI YU BEN FENI MOI, ÈN FU SAN EDE?
․․․․․
Efu yu no abi wan Bijbel, dan aksi Yehovah Kotoigi fu kisi wan
[Faki na tapu bladzijde 31]
Sani di abi fu du nanga a distrikt kongres
Grantangi hori na prakseri taki now yu kan feni den dei nanga den presi pe furu fu den alayari distrikt kongres o hori, na tapu a Website www.pr418.com.