Wan spesrutu bijbel lezing

Pe wi kan feni yepi nanga den problema fu a libi?

Na ini a grontapu disi sma kan feni bun furu rai. Furu sma lobi leisi buku noso luku telefisi programa di e gi rai fa fu lusu problema. Ma toku wi e kisi fu du nanga problema na ini na aladei libi. Kande yu e aksi yusrefi: ’Wan buku de di kan gi mi bun rai èn di mi kan frutrow trutru?’ Iya, so wan buku de!

Aladi Bijbel na wan buku di owru dusundusun yari, toku den gronprakseri di skrifi na ini no e owru èn den kan gi piki tapu aksi soleki:

▪ Fa mi kan lusu trobi èn fa mi kan kon abi wan moro bun matifasi nanga trawan?

▪ Fa mi kan de koloku?

▪ Fa mi kan lusu moni problema?

▪ Fa mi kan handri te mi abi broko-ede?

A Bijbel lezing di nen: „Bijbel gronprakseri kan yepi wi nanga den problema fu a libi?”, o gi piki tapu den aksi disi. A lezing disi di teki puru fu Bijbel o hori na heri grontapu na ini moro leki 230 kondre. Na furu presi a o hori tapu sonde 1 mei 2011, na ini a Kownukondre zaal fu Yehovah Kotoigi na ini a birti fu yu.

Den Kotoigi na ini a birti fu yu o breiti fu fruteri yu pe a lezing disi o hori èn o lati a o bigin. Wi e gi yu wan switi kari fu kon.