Fa yu e si Yesus?

Yu e si Yesus leki wan beibi, wan man di de fu dede, noso leki wan Kownu di kisi bigi makti?

Bijbel e sori taki Yesus na wan makti Kownu trutru. Ma san disi wani taki gi yu?

Furu sma e bribi taki Yesus dede gi den. Ma fa a kan taki wan man di dede pikinmoro 2000 yari pasa, kan meki sma na ini a ten disi kisi libi?

Wi e gi yu wan switi kari fu kon arki a piki di Bijbel e gi tapu den aksi disi. Wi sa taki fu den tori disi te Yehovah Kotoigi o kon makandra fu memre a dede fu Yesus. A yari disi, wi o du dati tapu fodewroko 5 april, baka te son dongo.

Grantangi aksi Yehovah Kotoigi na ini a kontren fu yu o lati a konmakandra disi o hori èn pe dati sa de.

A satra noso a sonde baka te wi memre a dede fu Yesus, Yehovah Kotoigi sa hori wan moi Bijbel lezing di nen „A kaba de moro krosibei leki san yu e denki?” A lezing disi na wan fu den heimarki fu a wroko di Yehovah Kotoigi e du na heri grontapu, fu doro ala sma di lobi den tru tori fu Gado èn di wani kon sabi moro fu Yesus. Wi e gi yu a kari fu kon.