Piki tapu aksi fu Bijbel
San na Gado nen?
Ala den famiriman fu wi abi wan nen. Srefi den meti di sma e kweki abi nen! Yu no denki taki Gado sa abi wan nen tu? Bijbel abi difrenti fasi fa a e kari Gado. Wan tu fu den fasi dati na Gado na Almaktiwan, A Moro Hei Masra, èn a Mekiman. Ma Gado abi en eigi nen tu.
Furu Bijbel vertaling abi a nen fu Gado na Psalm 83:18. Fu eksempre, na ini a Bijbel
Fu san ede wi musu gebroiki a nen fu Gado?
Gado wani taki wi gebroiki a nen fu en. Te wi e taki nanga den lobiwan fu wi, soleki den bun mati fu wi, dan wi e kari den na den nen, spesrutu te den e taigi wi fu du dati. A no so a musu de tu te wi e taki nanga Gado? Boiti dati, Yesus Krestes ben gi wi deki-ati fu gebroiki a nen fu Gado.
Ma fu man de wan mati fu Gado, dan a no nofo te wi e kon sabi soso a nen fu en. Fu eksempre, sortu fasi Gado abi? A tru taki wi kan tron mati fu Gado? Yu kan feni den piki tapu den aksi dati na ini Bijbel.
Kande yu lobi den tori disi tu
PRENSPARI LERI FU BIJBEL
Gado abi wan nen?
Gado abi furu titel soleki Moro Hei Gado, Mekiman nanga Masra. Ma Gado en eigi nen skrifi sowan 7000 tron na ini Bijbel.
PIKI TAPU AKSI FU BIJBEL
Omeni nen Gado abi?
Sma e denki taki Gado nen na, ‘Allah’, ‘Alfa nanga Omega,’ ‘El Shaddai,’ nanga ‘Yehovah-Yire.’ Fu san ede a prenspari fu sabi Gado nen?
