Den pikin fu yu o man lobi Gado soso te den de seiker taki a de èn taki a lobi den. Den musu sabi Gado fu man lobi en (1 Yohanes 4:8). Den musu sabi den sani disi: Fu san ede Gado meki libisma? Fu san ede Gado e gi pasi taki sma e pina? San Gado o du gi libisma na ini a ten di e kon?—Leisi Filipisma 1:9.

Fu man yepi yu pikin fu kon lobi Gado, dan yu musu sori den taki yu srefi lobi en. Te den e si taki yu lobi en, dan den o lobi en tu.—Leisi Deuteronomium 6:5-7; Odo 22:6.

Gado Wortu abi krakti (Hebrewsma 4:12). Sobun, leri den pikin fu yu den prenspari leri fu Bijbel. Fu man doro na ati fu sma, Yesus ben poti aksi gi den, a ben e arki den, èn a ben e fruklari Bijbel gi den. Fu man doro na ati fu yu pikin, dan yu musu gi den leri neleki fa Yesus ben du dati.—Leisi Lukas 24:15-19, 27, 32.

Boiti dati, den Bijbel tori di e sori fa Gado ben e libi nanga sma, kan yepi pikin fu kon sabi Gado èn fu kon lobi en. Na www.pr418.com/srn yu kan feni buku nanga tra sani di yu kan gebroiki fu gi yu pikin leri.—Leisi 2 Timoteyus 3:16.