TORI FU A KAFTI | YU KAN DE WAN MATI FU GADO
Wan moro bun fasi fu libi no de
San yu kan du fu de wan mati fu Gado? Wi ben luku wan tu sani di yu kan du fu tron wan bun mati fu en:
-
Kon sabi Gado nen, Yehovah, èn gebroiki en.
-
Begi èn studeri en Wortu, Bijbel, fu man taki nanga en doronomo.
-
Tan du san Yehovah wani.
Gebroiki Gado nen, begi en, studeri en Wortu, èn du a wani fu en, so taki yu kan tron wan mati fu en
Te yu e luku den sani disi, dan yu ben o taki dati yu e du san de fanowdu fu de wan mati fu Gado? Wan tu sani de di yu feni taki yu kan du moro bun? A tru taki yu o abi fu meki muiti, ma yu o kisi wini te yu e du dati.
„A e tyari wini kon te wi e meki muiti fu tron mati fu Gado”, na so Jennifer di e libi na Amerkankondre, e taki. „Te wi na mati fu Gado, dan wi e kisi furu blesi: wi e frutrow moro tapu Gado, wi e kon frustan den fasi fu en moro bun, ma san moro prenspari, na taki wi o abi moro lobi gi Yehovah. Wan moro bun fasi fu libi no de kwetikweti!”
Efu yu wani de wan bun mati fu Gado, dan Yehovah Kotoigi o breiti fu yepi yu. Den kan seti sani fu studeri Bijbel nanga yu, sondro taki yu abi fu pai gi dati. Yu e kisi a kari tu fu go na den konmakandra fu den di e hori na ini wan Kownukondre zaal na ini a birti fu yu, èn pe sma e kisi leri fu Bijbel. Drape yu o miti sma di breiti taki den na mati fu Gado. * Te yu du dati, dan yu o firi neleki a psalm skrifiman di ben taki: „A bun gi mi fu kon krosibei na Gado.”
^ paragraaf 9 Efu yu wani wan Bijbelstudie noso efu yu wani kon sabi pe wan Kownukondre zaal de na ini a kontren fu yu, dan aksi a sma di gi yu a tijdschrift disi, noso go na tapu a website www.pr418.com/nl. Go na CONTACT na ondrosei fu a home page.
