A Tiri Skin fu Yehovah Kotoigi meki bekènti taki den aksi son bijkantoro fu luku efu den kan hori konmakandra baka na ini a kontren fu den. Den bijkantoro disi o pruberi fu hori konmakandra baka na ini den Kownukondre zaal di de na presi pe furu sma vaccineer kaba èn pe furu sma no e kisi COVID-19. A no de fu taki dati den bijkantoro disi o gi yesi na den lantiwet di e sori omeni sma mag kon makandra na ini wan gebow èn tra wet di abi fu du nanga a pisi tori disi. A boskopu disi meki bekènti na ala den Betel tapu freida 15 oktober 2021.

Baka wan pisi ten den o luku fa sani waka na den presi disi èn den o luku efu konmakandra kan hori na tra presi tu. Ma na ini a boskopu disi den taki tu dati na tra presi konmakandra no o hori teleki 1 yanuari 2022.

Wi e warderi en srefisrefi taki a Tiri Skin e broko den ede nanga den brada nanga sisa fu den. Wi breiti taki den e wroko nanga koni te den e luku fa wi kan bigin du sani baka soleki fa wi ben gwenti. Grantangi, begi Yehovah fu tan tiri den brada disi èn fu tan horibaka gi den seti disi.​—Odo 14:16.