Milyunmilyun Yehovah Kotoigi nanga sma di wani sabi moro fu a bribi fu den, o kon makandra tapu tudewroko 7 april 2020 fu hori a moro prenspari konmakandra. Dati na a a Memrefesa fu a dede fu Yesus. Ma a yari disi a Memrefesa o de wan apartiwan, fu di a siki COVID-19 e panya na heri grontapu. Furu sma na grontapu o kon makandra nanga yepi fu video call.

Fu di a coronavirus e panya makriki, meki na ini furu kondre lanti taki dati sma no mag kon makandra na ini bigi grupu. Dati meki furu gemeente na heri grontapu e hori den alawiki konmakandra fu den nanga yepi fu video call. Den gemeente disi o gebroiki video call tu fu hori a Memrefesa. Gi ala tra sma wi meki wan felem fu a programa èn wi poti en tapu jw.org.

Moro leki 20 milyun sma ben go na a Memrefesa fu a yari di pasa. Wi howpu taki milyunmilyun sma o de na a Memrefesa fu a yari disi tu nanga yepi fu video call, telefon, noso a felem di wi poti tapu jw.org.

Na ini furu kondre, a coronavirus e panya dei fu dei. Fu di wi no wani taki ogri miti den brada nanga sisa fu wi, meki wi wani tan gi yesi na den rai nanga warskow fu lanti teleki a sani disi pasa. Ma wi abi a tranga bribi taki Yehovah o yepi wi fu gi yesi tu na Yesus di ben taki dati wi musu ’tan du disi fu memre en’.​—Lukas 22:19.