Sensi 2017 den tapu a wroko fu Yehovah Kotoigi na ini Rosiakondre. Lanti meki a libi muilek gi den brada nanga sisa drape. Na ini a heri kondre den e strafu Kotoigi, srefi yonguwan fu 18 yari èn owruwan di abi 89 yari. Na ini yuli 2021 den ben leisi strafu kaba gi 18 brada nanga sisa di abi 60 yari noso moro owru fu di den e anbegi Gado. Nownow dri fu den de na ini strafu-oso ete. a Na ini na Update nr.4 fu a Tiri Skin 2021, den brada ben taki fu na ogri-ati fasi fa sma e handri nanga den owru brada nanga sisa fu wi.

Fa den owruwan disi horidoro di sma du ogri nanga den? Wi breiti fu fruteri unu wan tu moi sani di den brada nanga sisa disi taki èn fa den horidoro di den kisi tesi.

Wi de nanga tangi gi a moi eksempre fu den owruwan ini Rosiakondre di e tan getrow na Yehovah. A deki-ati di den abi fu du san reti na wan moi eksempre gi wi. Èn san moro prenspari na taki den moi na ini Gado ai.​—Odo 16:31.