Memre a dede fu Yesus
Satra 12 april 2025
Wan tron wan yari Yehovah Kotoigi e memre a dede fu Yesus leki fa a ben taigi wi fu du. A taki: „Tan du disi fu memre mi.”—Lukas 22:19.
Wi e gi yu wan kari fu kon na a konmakandra disi.
Aksi di furu sma abi
O langa a konmakandra o hori?
A o hori sowan wán yuru langa.
Pe a konmakandra o hori?
Aksi Yehovah Kotoigi fu sabi pe a o hori na ini yu birti.
Yu musu pai fu kon insei?
Nôno.
Den o piki moni na a konmakandra?
Nôno.
Sma musu weri spesrutu krosi?
Aladi sma no abi fu weri spesrutu krosi, toku Yehovah Kotoigi e du muiti fu weri krosi di fiti èn den e du dati na wan lespeki fasi soleki fa Bijbel e taki (1 Timoteyus 2:9). Yu no abi fu weri diri krosi.
San o psa na a konmakandra disi?
Na a bigin èn na a kaba fu a konmakandra disi wi o singi èn wan brada o begi. A moro prenspari pisi fu a Memrefesa na a lezing di o sori o prenspari a dede fu Yesus de. A lezing o sori tu fa wi kan kisi wini fu a sani disi di Gado nanga Krestes du gi wi.
Efu yu wani sabi moro, dan luku na artikel „Fu san ede Yehovah Kotoigi e hori na Avondmaal fu Masra tra fasi leki den tra kerki?”
O ten den o hori tra Memrefesa na ini yari di e kon?
2025: Satra 12 april
2026: Fodewroko 2 april
Kande yu lobi den tori disi tu
MEMRE A DEDE FU YESUS
Memre a dede fu Yesus
Wi e gi yu wan kari fu kon makandra nanga wi na a prenspari okasi disi. Yu o leri fa a libi nanga a dede fu Yesus kan tyari wini kon gi yu.
PRENSPARI LERI FU BIJBEL
Fu san ede Yesus dede?
Kande yu yere taki Yesus dede gi den sondu fu wi. Ma yu denki taki a dede fu wán sma nomo kan tyari wini kon gi milyunmilyun sma?