Imininingwane Mayelana Nemahhovisi Nekuvakasha
Siyakumema kutsi usivakashele emahhovisini etfu nasendzaweni yekushicilela tincwadzi. Tfola tindzawo netikhatsi tekuvakasha.
Kuvakasha EBethel: Emaveni lamanyenti bantfu sebatawuphindze bavunyelwe kutsi bavakashe emahhovisini eligatja kusukela ngaJune 1, 2023. Kuze uve kabanti, chumana nelihhovisi leligatja lofuna kulivakashela. Sicela ungavakashi nawune-COVID-19, timphawu temkhuhlane nobe usandza kusondzelana nemuntfu lone-COVID-19.
ENingizimu Afrika
Kwatiswa Lokumayelana Nekuvakasha EBethel
Kufanele yini ufake sicelo sekuvakasha kusengaphambili? Yebo. Kute kungabi nesiminyaminya futsi wonkhe muntfu akujabulele lokuvakasha, sicela kutsi tonkhe tivakashi tifake sicelo kusengaphambili, nobe ngabe tilicembu lelingakanani. Faka sicelo sekuvakasha lokungenani kusesele liviki. Nanitovakasha ngesikhatsi semaholidi, sicela nifake sicelo kusesele sikhatsi lesidze.
Nangabe ungakasifaki sicelo sekuvakasha, usengakhona yini kuta kutovakasha? Nangabe ungakasifaki sicelo kungekenteka ungavunyelwa kutsi uvakashe. Ngenca yendzawo lelinganiselwe, lilanga ngalinye kuvunyelwe bantfu labambalwa kutsi bavakashe.
Kufanele ufika ngabani sikhatsi nawutovakasha? Kuze kungabi nesiminyaminya, sicela ufike kusesele li-awa ngaphambi kwekutsi kushaye sikhatsi sakhe sekuvakasha.
Sifakwa njani secelo sekuvakasha? Chafata lakutsi khona, “Make a Reservation.”
Ungasishintja yini nobe usihocise sicelo sakho sekuvakasha? Yebo. Chafata lakutsi khona, “View or Change Reservations.”
Kutsiwani nangabe kugcwele ngalelilanga lofuna kuvasha ngalo? Chubeka uhlola ku-website. Tikhala tekuvakasha tiyavuleka njengobe bantfu lebebafake ticelo bashintja nobe bahocisa.
Imibukiso
Lakufikela Khona Tivakashi E-Home: Kunema-video lakhombisa loko lokweteka eBethel nekutsi i-Bethel ikusekela njani kukhonta kwetfu.
Lakufikela Khona Tivakashi E-Printery 2: Kunema-video lakhombisa kubaluleka kwekuhumusha kanye nekushicilela tincwadzi ngelulwimi lwendzawo. Kuphindze kube nendzawo lephakeme yekubuka umshina wekushicilela. Kubekwe nemaBhayibheli etilwimi letehlukahlukene tendzawo, kuze akhombise indlela libito laNkulunkulu lelasetjentiswa ngayo eBhayibhelini.
Lakufikela Khona Tivakashi E-Printery 3: Kunendzawo lephakeme lekwenta ubone yonkhe indzawo yaka-shipping, kuphindze kube nendzawo lekhombisa lapho kutawutfunyelwa khona tincwadzi letipakishiwe. Kunema-video lakhombisa kwakhiwa kwemaHholwa eMbuso futsi aphindze akhombise kwakhiwa kwalokulalelwako nema-video kanye nedlela yekukutfumela.
Kwatiswa Lokwengetiwe: Kunemabhasi lakutsatsa endzaweni yekufikela tivakashi, akuyise kulenye indzawo yekufikela tivakashi. Kunendzwo lokutsiwa yi-Visitor Rest Area lapho tivakashi tingahlala khona tijabulele kudla kwato kwasemini.
Likheli Kanye Nenombolo Yelucingo
1 Robert Broom Drive East
Rangeview
KRUGERSDORP
1739
SOUTH AFRICA
+27 11-761-1002