Cha. Tigidzi letinyenti tebantfu labebaphila kadzeni labebangasibo boFakazi BaJehova nabo batawutfola litfuba lekusindziswa. LiBhayibheli litsi eveni lelisha Nkulunkulu lasetsembise lona, “bonkhe bantfu, labalungile nalabangakalungi, bayawuvuka ekufeni.” (Imisebenti 24:15) Ngetulu kwaloko, nebantfu labanyenti labasaphila nyalo labangase bacale kukhonta Nkulunkulu, nabo batawusindziswa. Kunome ngukuphi, akusiko kwetfu kwehlulela kutsi bobani labatawusindza nalabangeke basindze. Lona ngumsebenti loniketwe Jesu.—Johane 5:22, 27.