Yebo, boFakazi baJehova bayayemukela imitsi kanye nekwelashwa. Nanobe siyinakekela imitimba yetfu futsi silondvolota imphilo lenhle, ngalesinye sikhatsi ‘siyamdzinga dokotela.’ (Lukha 5:31) Njengoba bekunjalo ngaLukha, umKhristu welikhulu lekucala, labanye boFakazi baJehova babodokotela.—Kholose 4:14.

 Letinye tindlela tekwelapha atihambisani netimiso teliBhayibheli futsi leto asitemukeli. Sibonelo saloko kutsi asikwemukeli kumpontjelwa ingati ngobe liBhayibheli alivumi kutsi sidle ingati kute imitimba yetfu ichubeke iphila. (Imisebenti 15:20) Ngalokufanako, liBhayibheli liyatilahla tinchubo tekwelapha letifaka ekhatsi kusebentisa emadimoni.—Galathiya 5:19-21.

 Nome kunjalo, tindlela tekwelapha letinyenti atishayisani netimiso teliBhayibheli. Loko kusho kutsi umuntfu uyatikhetsela. Lomunye Fakazi angase akhetse indlela letsite yekwelashwa kantsi lomunye angase angayemukeli leyo ndlela yekwelashwa.—Galathiya 6:5.