Bantfu lababhajatiswa baba boFakazi BaJehova kodvwa labangasashumayeli kubantfu, mhlawumbe abasatihlanganisi nalamanye emaKhristu asibecwayi. Esikhundleni saloko, siyaya kubo setame kubasita bavuselele buhlobo babo naNkulunkulu.

 Umuntfu lowente sono akamane nje ayekeliswe kuba nguFakazi. Nobe kunjalo, nangabe Fakazi waJehova lobhajatisiwe akwenta umkhuba kwephula umtsetfo weliBhayibheli wekutiphatsa futsi angaphendvuki, siyamecwaya nobe ayekeliswe kuba nguFakazi. LiBhayibheli likusho kucace nalitsi: “Mcosheni lomubi emkhatsini wenu!”—1 Khorinte 5:13.

 Kutsiwani ngemfati lonendvodza leyekelisiwe kuba ngufakazi kodvwa yena nebantfwana baboFakazi BaJehova? Kukhonta kwabo Nkulunkulu njengemndeni kuyashintja kodvwa buhlobo basekhaya bona buyachubeka. Sibopho semshado nekuphila kwasekhaya kuyachubeka.

 Bantfu labayekelisiwe kuba boFakazi bavumelekile kutsi baye emihlanganweni yetfu. Nabafisa kuphindze babe boFakazi, labadzala belubandla bangabasita. Umgomo waloko kubasita kutsi kuphindze kubafanele kuba boFakazi BaJehova. Bantfu labayekelisiwe kuba boFakazi labangasatiphatsi kabi futsi bakhombise sifiso lesicotfo sekutsi bafuna kuphila ngetimiso teliBhayibheli, batawuhlale bemukelekile kuphindze babuyele ebandleni.