Mhlawumbe linyenti letfu likutfola kumatima kukukhumbula loko lelikufundzile. Kodvwa unakile yini kutsi kumelula kusheshe ukhumbule imifanekiso yaJesu? Uyakhona kuyibona ngeliso lengcondvo, futsi loko kukusita kutsi uyikhumbule. Ngendlela lefanako, ungakhona kukhumbula tintfo letinyenti lotifundzile ngekutsi wetame kutibona ngeliso lengcondvo. Ungakwenta njani loko? Ngekutsi udvwebe titfombe njengobe usadadisha.

Bantfu labadvweba titfombe tetintfo letinsha labatifundzile bavame kutikhumbula. Kudvweba akugcini nje ngekubasita kutsi bacondze kancono emagama, kodvwa bakhona nekucondza kancono emaphuzu layinhloko aloko labakufundzako. Lemidvwebo yabo ayifani neyebantfu labanelikhono lekudvweba, kepha benta lokusemandleni abo. Bufakazi bukhombisa kutsi lasebakhulile kungabasita kakhulu kukwenta loku.

Nawuphindze udadisha, yetama kukudvweba loko lokufundzako. Utawumangala kutsi kunganani lotakukhumbula!