Emathulusi etfu ekucwaninga angakusita kutsi ufundze ngetihloko letinyenti letehlukene. Lamathulusi ekucwaninga latfolakala etintfweni tebuchwephesha afaka ekhatsi Tinchazelo Temagama, i-Insight on the Scriptures, Lithulusi Lekucwaninga LaBoFakazi BaJehova, ne-Watch Tower Publications Index.

Sikhala lesibhalwe kutsi funa lesise-Mtatjeni Wetincwadzi Loku-Internet WeSicongosekulindza singakusita kutsi usebentise emathulusi ekucwaninga. Njengobe ubhala kulesikhala, kutawuvela luhla lwetihloko ngephasi kwalelibhokisi. Kutawuvela ligama lelitsi “Sihloko” eceleni kwemagama lakuloluhla.

Kwetame: Bhala ligama lelitsi “Jehova” kulesikhala sekufuna (A). Chafata ligama lelitsi “Jehova” lelihambisana neligama lelitsi “Sihloko” eceleni kwalo (B). Utawubona lapho leligama livela khona etincwadzini letehlukene.