Fundza Genesisi 37:23-28; 39:17-23 kuze ufundze mayelana nekubeketelela kuphatfwa kabi kulokwenteka kuJosefa.

Hlatiya lokwenteka kulendzaba. Yini leyenta Josefa waphatfwa kabi? (Gen. 37:3-11; 39:1, 6-10) Kwaphela sikhatsi lesingakanani Josefa abeketelela kuphatfwa kabi? (Gen. 37:2; 41:46) Kuleso sikhatsi, yini Jehova layentela Josefa, kodvwa yini langazange amentele yona?​—Gen. 39:2, 21; w23.01 17 ¶13.

Ngena ujule. LiBhayibheli alisho kutsi Josefa watikhulumela ngesikhatsi umfati waPhotifari ammangalela ngemanga. Lemibhalo lelandzelako ingasisita njani sicabange ngekutsi yini lokungenteka yenta Josefa wakhetsa kungasho lutfo, nobe kutsi yini leyenta singalindzeli kutsi sitjelwe yonkhe imininingwane? (Taga 20:2; Joh. 21:25; Imis. 21:37) Ngubuphi buntfu lokungenteka basita Josefa kutsi abeketelele kuphatfwa kabi?​—Mik. 7:7; Luk. 14:11; Jak. 1:2, 3.

Tfola tifundvo. Tibute:

• ‘Njengobe ngingumlandzeli waJesu, ngukuphi kuphatfwa kabi lengingakulindzela?’ (Luk. 21:12, 16, 17; Heb. 10:33, 34)

• ‘Yini lengingayenta nyalo kuze ngikhone kubhekana nekuphatfwa kabi?’ (Hla. 62:7, 8; 105:17-19; w19.07 2-7)