Ungatsandza yini kutfola lokunyenti nawutidadishela liBhayibheli? Naku longakwenta kuze ungaphazamiseki nawudadisha:

• Khetsa indzawo lekahle. Nakungenteka, tfola indzawo lehlobile futsi lekhanya kahle. Ungahlala etafuleni nobe ukhetse indzawo lekahle ngephandle.

• Funa indzawo lawutawuba wedvwa khona. Jesu wakhetsa kuthantaza “ekuseni ngeluvivi . . . endzaweni lethulile.” (Mak. 1:35) Nangabe kungeke kwenteke kutsi ube wedvwa, ungatjela umndeni wakho nobe labo lohlala nabo ngeluhlelo lwakho lwekudadisha futsi ubacele bangakuphazamisi.

• Hlala unake lolokufundzako. Gwema tintfo letingakuphazamisa. Nangabe usebentisa lucingo nobe i-tablet nawudadisha, lwente lungawubangi umsindvo nobe ufake indiza kuze ungaphazamiseki. Nawukhumbula kutsi kunentfo lokufanele uyente, yibhale phansi kuze uyente nawucedza. Nawubona kutsi awusakhoni kunaka loku lokufundzako, phumula kancane utelule nobe welule tinyawo.