Kukile yini kwaba matima kukhumbula loko losandza kukufundza? Loko kuhle kwenteka kitsi sonkhe. Yini lengakusita? Kucabanga ngemaphuzu layinhloko.

Njengobe udadisha, ubohle uma kuze ucabange ngemaphuzu labalulekile. Naka kutsi umphostoli Pawula wabasita njani labo lebebafundza incwadzi yakhe kutsi bakwente loko, wabhala watsi: “Nali liphuzu lelibalulekile.” (Heb. 8:1) Ngalamavi, wasita labo lebebalalele kutsi bakucondze loko bekakhuluma ngako nekutsi babone kutsi liphuzu ngalinye lihlangana njani nesihloko bekakhuluma ngaso.

Tinikete sikhatsi lesingaba yimizuzu lengu-10 kuze ucabange ngemaphuzu labalulekile aloko losandza kukudadisha. Nangabe awusakhumbuli, buka tihlokwana nobe imisho yekucala lesesigabeni ngasinye kuze ikukhumbute. Nangabe usandza kufundza liphuzu lelisha, yetama kulichaza ngemavi akho. Njengobe ucabanga ngalamaphuzu labalulekile, loko kutakusita kutsi ukukhumbule loko losandza kukufundza futsi ubone kutsi kungakusita njani ekuphileni kwakho.