Batali banemsebenti lobalulekile wekufundzisa bantfwana babo ngaJehova. (Ef. 6:4) Kuze kusitwe batali, inhlangano yaJehova ilungise tihloko letinyenti, ema-video netingoma. Ungakusebentisa njani loku kuze uceceshe bantfwana bakho?

• Funa lokutfolakalako. Ku JW.ORG ungatfola tintfo letinyenti letilungiselwe bantfwana letifaka ekhatsi ema-video nalokubhaliwe. a Kuze ukutfole, esikhaleni lesitsi “funa” bhala kutsi “Bantfwana” nobe “Labasha.”

• Khetsa lokufunako. Lokutfolakala ngephansi kwencenye letsi “Bantfwana” kungakusita ukhetse loko lokulungela umntfwanakho. Kuze ukutfole, bhala kulesikhala lesitsi “funa” utsi “Imisebenzi Yokukhulekela Komkhaya,” lokutfolakala ngesiZulu.

• Kwente nebantfwabakho. Ungasebentisi lama-video nobe lokubhaliwe kuze nje umntfwana abe matasatasa ngalokutsite. Kunaloko coca ngako nemntfwanakho, umsite akhe bungani naJehova.