Ubafundze kahle yini bomagazini bakamuva be-Sicongosekulindza? Nangabe kunjalo, asewubone kutsi ungakwati yini kuphendvula lemibuto lelandzelako:

Ngutiphi tintfo letine lesingatenta kute sitfutfukise indlela lesihlabela ngayo?

Kufanele sime kahle futsi siphakamise liculo letfu. Kufanele siphefumule kahle. Sitawukhona kuhlabela ngalokuvakalako nangabe sikhamisa kakhulu futsi sikhokha livi.​—w17.11, likh. 5

Yini lokufanele isijabulise mayelana netindzawo kanye nemigwaco lebeyiya emadolobeni ekukhosela aka-Israyeli?

Bekunemadolobha ekukhosela lasitfupha lebekakulo lonkhe live futsi imigwaco leya kuwo beyilungiswe kahle. Loko bekwenta kube lula kuya kuwo ngekushesha.​—w17.11, likh. 14.

Kungani inhlawulo yaJesu isipho lesihle kakhulu lesivela kuNkulunkulu?

Inhlawulo yenetisa sifiso setfu sekuphila phakadze kanye nesidzingo sekukhululeka esonweni nasekufeni. Ngenca yekutsi Jehova uyasitsandza situkulwane sa-Adamu, watfumela Jesu kutsi asifele.​—wp17.6, emakh. 6-7.

Yini lesenta sitsi umbhalo weTihlabelelo 118:22 usho kuJesu?

Bantfu abazange bamemukele Jesu njengaMesiya futsi bambulala. Kuze Jesu abe “litje lekusimisa,” bekufanele avuswe.​—w17.12, emakh. 9-10.

Bekufanele ube litubulo yini kuze ube seluhlwini lwekutalwa kwaMesiya?

Ngaletinye tikhatsi bekuba ngemadvodzana langematibulo lebekaba seluhlwini kwaMesiya. Davide bekangasilo litibulo laJese kodvwa bekakhona eluhlwini lwekutalwa kwaMesiya.​—w17.12, emakh. 14-15.

Ngutiphi timiso letimayelana nekwelapha letitfolakala eBhayibhelini?

UMtsetfo bewutsi bantfu labebanetifo letitsite bekufanele behlukaniswe nalabanye bantfu. Bantfu bekufanele bageze ngemuva kwekutsintsa sidvumbu. Umtsetfo bewuphindze ukhulume ngendlela lekahle yekulahla emangcoliso. Umntfwana bekufanele asokwe ngemuva kwemalanga lasiphohlongo atelwe, futsi loko bekwenta kutsi kusheshe kuphole.​—wp18.1, likh. 7.

Kungani umKhristu kufanele atitsandze ngelizinga lelifanele?

Kufanele sitsandze bomakhelwane betfu njengobe sititsandza tsine. (Mak. 12:31) Emadvodza kufanele “atsandze bomkawo njengobe atsandza imitimba yawo.” (Ef. 5:28) Kuliciniso kutsi labanye bangatitsandza ngalokwecile.​—w18.01, likh. 23.

Ngutiphi tinyatselo lesingatitsatsa kuze sitfutfukise buhlobo betfu naNkulunkulu?

Kufanele sidadishe liVi laNkulunkulu, sizindle ngalo futsi sikusebentise loko lesikufundzako. Kufanele sivumele umoya waNkulunkulu ucondzise indlela lesicabanga ngayo nalesitiva ngayo futsi silwemukele ngenjabulo lusito lwalabanye.​—w18.02, likh. 26.

Kungani kubuka kuma kwetinkhanyeti nekuphengula kungasiyo indlela lekahle yekwati likusasa?

Loku kubangelwa tizatfu letinyenti, kodvwa sizatfu lesiyinhloko kutsi liBhayibheli liyilahla yomibili lemikhuba.​—wp18.2, emakh. 4-5.

Yini lokufanele siyikhumbule nangabe sivumile nasimenywa ngulotsite?

Nangabe semukele simemo kufanele setame kusifeza setsembiso setfu. (Hla. 15:4) Akukafaneli singayi ngenca yetizatfu letingevakali. Kungenteka lona losimemile usebente kamatima kute alungiselele kudla.​—w18.03, likh. 18.

Yini emadvodza lamadzala netinceku letisebentako labangayifundza kuThimothi?

Thimothi bekabakhatsalela mbamba bantfu futsi bekatibeka kucala tidzingo tabo letitsintsa buhlobo babo naNkulunkulu. Bekakhutsele emsebentini waNkulunkulu futsi bekakusebentisa loko lakufundzako. Bekahlale aticecesha futsi beketsembela emoyeni waJehova. Labadzala kanye nalabanye bangasilingisa sibonelo sakhe.​—w18.04, emakh. 13-14.