JESU wake watsi: “Kunenjabulo lenyenti ekupheni kunasekwemukeleni.” (Imis. 20:35) Leliciniso lelisisekelo liyabutsintsa buhlobo betfu naJehova. Kanjani? Jehova usiphe tipho letinyenti letisenta sijabule, kodvwa singajabula kakhulu nangabe sipha Jehova. Ngusiphi sipho lesingamupha sona? Taga 3:9 titsi: “Dvumisa Simakadze ngalokuhle lonako.” ‘Lokuhle lesinako’ kufaka ekhatsi sikhatsi setfu, emakhono etfu, emandla etfu, kanye netintfo lesinato. Nangabe sisebentisa letintfo kute sitfutfukise kukhonta kweliciniso, sisuke sipha Jehova futsi loko kusenta sijabule kakhulu.

Yini lengasisita kutsi singakubukeli phasi kunikela kuJehova? Umphostoli Pawula watjela emaKhristu aseKhorinte kutsi “abekele eceleni lokutsite” kute akunikele kuJehova. (1 Khor. 16:2) Yini longayenta nangabe ufuna imininingwane leyengetiwe mayelana netindlela tekunikela letisebentako eveni lokulo? Sicela ufundze lelibhokisi lelingentasi.

Akusiwo onkhe emave langakhona kunikela asebentisa i-internet. Noma kunjalo, imininingwane lemayelana naletinye tindlela tekunikela ingatfolakala ekhasini lekunikela. Kulamanye emave kunelikhasi lelinetimphendvulo temibuto levame kubutwa mayelana nekunikela.