Usifundzile yini Sicongosekulindza salomnyaka? Nangabe kunjalo, phendvula lemibuto lelandzelako:

Kufanele siwaphatse njani emaKhristu lagcotjiwe?

Kuyasikhutsata kukholwa kwabo, kodvwa asifuni kubanika ludvumo. Siyakugwema ‘kutsenga emehlo abo.’ (Juda 16, ftn.) Asibabuti imibuto lemayelana nelitsemba labanalo.—w20.01, likh. 29.

Yini lokufanele ikwente uciniseke kutsi Jehova uyakunaka?

LiBhayibheli likhombisa kutsi wakwati usengakatalwa futsi uyayiva nemithantazo yakho. Uyakwati lokucabangako naloko lokusenhlitiyweni yakho, futsi lokwentako kuyamtsintsa. (1 Khr. 28:9; Taga 27:11) Ukusondzete kuye.—w20.02, likh. 12.

Ngutiphi tibonelo talapho kufanele sikhulume khona nalapho kufanele sibindze khona?

Siyajabula nasikhuluma ngaJehova. Siyakhuluma nangabe sibona kutsi umuntfu lotsite wenta intfo letamlimata. Labadzala bayakhuluma nabaniketa seluleko lesidzingekako. Asikhulumi kuze sitfole (nobe kuze sikhiphe) imininingwane mayelana nekutsi umsebenti wetfu wekushumayela wentiwa njani etindzaweni lapho uvinjelwe khona. Asikhulumi ngetindzaba letiyimfihlo.—w20.03, emakh. 20-21.

Sikhonyane lokukhulunywa ngaso kuJoweli sehluko 2 sehluke njani kuleso lokukhulunywa ngaso kuSembulo sehluko 9?

Joweli 2:20-29 utsi Nkulunkulu uyasicosha lesikhonyane futsi wetsembisa kusikhokhela ngemonakalo lesiwentiwe. Ngemuva kwaloko, Nkulunkulu utfulula umoya wakhe longcwele. Loko kwenteka ngesikhatsi ema-Israyeli avinjetelwa baseBhabhulona nangemuva kwaloko. Sembulo 9:1-11 uchaza labagcotjiwe labafananiswe nesikhonyane emalangeni etfu alamuhla njengobe bamemetela tehlulelo taNkulunkulu ngalelive lelibi lelenta labo labasisekelako kutsi bangakhululeki.—w20.04, emakh. 3-6.

Ngubani inkhosi yasenyakatfo lamuhla?

I-Russia kanye nalabayisekelako. Ihlasele bantfu baNkulunkulu, yavimba umsebenti wekushumayela futsi yakhombisa kutsi iyabenyanya boFakazi. Inkhosi yasenyakatfo iyachubeka ilwisana nenkhosi yaseningizimu.—w20.05, likh. 13.

Buntfu lobubhalwe kuGalathiya 5:22, 23 ngibo kuphela yini ‘lobutitselo temoya’?

Cha. Umoya longcwele usisita kutsi sikhombise lobunye buntfu lobuhle, njengekulunga. (Ef. 5:8, 9)—w20.06, likh. 17.

Nguyiphi ingoti lengaba khona nasibhala nobe sifaka titfombe letimayelana natsi ku-internet?

Lokufaka ku-internet kungakhombisa kutsi uyatigcabha futsi awukatfobeki.—w20.07, emakh. 6-7.

Bafundzisi labangemaKhristu bangafundzani kubantfu labadweba tinhlanti?

Basebenta endzaweni nobe ngesikhatsi lokungenteka batitfole ngaso tinhlanti. Baceceshiwe kuze basebentise emathulusi lakahle. Ngesibindzi, basebenta etimeni letimatima. Natsi singenta lokufanako emsebentini wekushumayela.—w20.09, likh. 5.

Ngutiphi letinye tindlela lesingasita ngato lesifundza nabo liBhayibheli kutsi bamtsandze kakhulu Jehova?

Singabakhutsata kutsi bafundze liBhayibheli onkhe malanga futsi bazindle ngaloko labakufundzako. Singabafundzisa nekuthantaza.—w20.11, likh. 4.

Kukhulunywa ngabobani nakutsiwa: “KuKhristu bonkhe batawutfola kuphila”?—1 Khor. 15:22.

Umphostoli Pawula bekangasho kutsi bonkhe bantfu batawuvuswa. Bekakhuluma ngemaKhristu lagcotjiwe ‘langcweliswe ebunyeni naKhristu Jesu.’ (1 Khor. 1:2; 15:18)—w20.12, emakh. 5-6.

Yini letawentiwa ngulabagcotjiwe ngemuva ‘kwekushintjwa ngekucwabita kweliso ngelicilongo lekugcina’?—1 Khor. 15:51-53.

Batawuba naKhristu nakelusa bantfu ngentfonga yensimbi. (Semb. 2:26, 27)—w20.12, emakh. 12-13.