NGALESITSATFU ekuseni nga-January 24, 2018, umndeni waseBethel eCanada naseMelika weva simemetelo lesijabulisako lesitsi: Umzalwane Kenneth Cook, Jr., sewulilunga leSigungu Lesibusako saBoFakazi BaJehova.

Umzalwane Cook watalelwa ePennsylvania, eMelika futsi wakhulela khona. Ngaphambi kwekutsi acedze esikolweni wafundza emaciniso kumntfwana wesikolwa labefundza naye futsi wabhajatiswa nga-June 7, 1980. Wangenela umsebenti wasikhatsi sonkhe ngaSeptember 1, 1982, ngesikhatsi aba lihlahlandlela lelivamile. Ngemuva kwekuba lihlahlandlela iminyaka lemibili, wacelwa kutsi ayosebenta eBethel futsi wacala kusebenta eWallkill, eNew York, nga-October 12, 1984.

Eminyakeni lengu-25 leyalandzela, umzalwane Cook wabelwa imisebenti leyehlukahlukene lakushicilelwa khona kanye nakuleminye imisebenti yaseBethel. Nga-1996 washada naJamie futsi bobabili basebenta eBethel leseWallkill. NgaDecember 2009, umzalwane nadzadze Cook baya eWatchtower Educational Center ePatterson, eNew York futsi umzalwane Cook wacelwa kutsi asebente eHhovisini Lekubhala Tincwadzi. Nga-April 2016, nasebabuyele eWallkill bacelwa kutsi baye eBrooklyn, eNew York. Ngemuva kwetinyanga letisihlanu letalandzela baya endlunkhulu eWarwick, eNew York. NgaJanuary 2017, umzalwane Cook waba ngumsiti eKomidini Yekubhala YeSigungu Lesibusako.