Nawungakase, kungenteka uke wakubona. Tindzaba tigcwele imibiko lemayelana nelubandlululo, kuhlukubetwa kwetitabane kanye nekuhlushwa kwebantfu lababuya kulamanye emave. Ngenca yaloko, bohulumende labanyenti bashaye imitsetfo yekujezisa bantfu labahlukubeta labanye ngenca yenzondo.

Bantfu labazondwako nobe labahlupheka ngenca yekuzondwa, nabo bavamise kuba nenzondo. Bavamise kufuna kutiphindzisela, lokwenta lenzondo ichubekele embili, ingapheli, kube ngumjikeleto wekuzondana.

Kungenteka wake wabandlululwa, kwahlekiswa ngawe, wetfukwa futsi wasongelwa. Nobe kunjalo, inzondo ayigcini lapho. Ngalokuvamile iholela etentweni tebudlova njengekushaywa kwebantfu, kulinyatwa kwetintfo, kudlwengulwa kanye nekubulawa kwebantfu.

Lomagazini utawuphendvula lemibuto lelandzelako futsi ukhombise nekutsi ingancotjwa njani inzondo:

• Yini leyenta bantfu batondzane kangaka?

• Ungacedvwa njani lomjikeleto wekutondzana?

• Sitawuke sifike yini sikhatsi lapho khona inzondo ingeke isaba khona phakadze?