BEWUNGATSI Develi . . .

• Usidalwa semoya?

• Ububi lobusenhlitiyweni yemuntfu?

• Uyintfo leyacatjangwa ngumuntfu?

LOKUSHIWO LIBHAYIBHELI

Develi wakhuluma naJesu futsi wetama ‘kumlinga.’ (Matewu 4:1-4) Loko kukhomba kutsi Develi akasiyo intfo lecatjangwako nobe bubi lobusenhlitiyweni, kepha usidalwa semoya lesibi.

KUKHONA YINI LOKUNYE LIBHAYIBHELI LELIKUSHOKO NGALENDZABA?

• Ekucaleni Develi abeyingilosi lengcwele, kodvwa “akazange ahlale ecinisweni.” (Johane 8:44) Waba ngumcambimanga futsi wavukela Nkulunkulu.

• Letinye tingilosi taba mdzibimunye naye ekuvukeleni Nkulunkulu.​—Sembulo 12:9.

• Bantfu labanyenti abati kutsi Develi ukhona ngenca yekutsi ubaphumphutsekisile.​—2 Khorinte 4:4.

LABANYE BATSI ngeke Develi asibuse, ngemanga lawo, kantsi labanye besaba kuhlaselwa ngemadimoni. Wena ucabangani?

LOKUSHIWO LIBHAYIBHELI

“Lonkhe live lisemandleni alomubi.” (1 Johane 5:19) Nanobe Develi anemandla kunebantfu, kodvwa akusibo bonkhe lakhona kubalawula.

KUKHONA YINI LOKUNYE LIBHAYIBHELI LELIKUSHOKO NGALENDZABA?

• Develi utenta ingilosi yekukhanya kute entise bantfu tintfo letimbi.​—2 Khorinte 11:14.

• Ngalesinye sikhatsi emadimoni angabahlasela bantfu.​—Matewu 12:22.

• Ngelusito lwaNkulunkulu ungakhona ‘kumelana naDeveli.’​—Jakobe 4:7.