NgaLesibili nga-April 11, emaKhristu lamanyenti lapholile atawube akhona eSikhumbutweni. Acala kugijima umncintiswane wekuphila kodvwa ase ehlisa litubane ngenca yetizatfu letitsite letinye tato titfolakala kulencwajana letsi Buyela KuJehova. (Heb 12:1) Nobe kunjalo, emaKhristu lapholile solo aligugu kuJehova ngobe wawatsenga ngengati yeNdvodzana yakhe. (Imi 20:28; 1Ph 1:18, 19) Singawasita njani kutsi abuye ebandleni?

Labadzala belibandla bayawafuna emaKhristu lapholile futsi bawasite njengemelusi lofuna imvu lelahlekile aze ayitfole. (Luk 15:4-7) Loku kukhombisa indlela Jehova lawatsandza ngayo. (Jer 23:3, 4) Akusibo labadzala kuphela lokufanele bawakhutsate, natsi singawakhutsata. Imetamo lesiyentako yekuwakhombisa umusa kanye nendlela lesitiva ngayo ngabo iyamjabulisa Jehova futsi iletsa tibusiso. (Tag 19:17; Imi 20:35) Ngako-ke, cabanga kutsi utawukhutsata bani futsi umkhutsate ngekushesha.

BUKELANI I-VIDEO LETSI KHUTSATA LASEBAPHOLILE, BESE NIPHENDVULA IMIBUTO LELANDZELAKO:

• Ngusiphi sinyatselo Abbey lasitsatsa nakatfola Fakazi labengamati?

• Kungani kufanele sicale sikhulume nalabadzala belibandla nasifuna kusita lotsite losapholile?

• Yini Abbey layenta nakalungiselela kuvakashela Laura?

• Abbey wakukhombisa njani kubeketela kanye nelutsandvo naketama kukhutsata Laura?

• Singafundzani emfanekisweni waJesu lokuLukha 15:8-10?

• Ngutiphi tibusiso Abbey latitfola ngenca yemetamo layenta kute asite Laura?