KUPHILA KWEMAKHRISTU
Kushumayela Nekufundzisa Kubalulekile Kuze Sente Bafundzi
Jesu watfuma balandzeli bakhe kutsi bente bantfu babe bafundzi. (Mat 28:19) Loku kufaka ekhatsi kushumayela nekufundzisa. Kufanele sihlale sitibuta lombuto: ‘Ngingawutfutfukisa njani umsebenti wami wekushumayela nekufundzisa?’
KUSHUMAYELA
Esikhundleni sekugadza kutsi batitele, kufanele sibafune “bantfu labafanelekako.” (Mat 10:11) Nasisemsebentini wekushumayela, siwabamba onkhe yini ematfuba ekucoca ‘nalabo lokungenteka balapho?’ (Imi 17:17, bi-SWI) Ngenca yekutsi umphostoli Pawula washumayela ngekutimisela, Lidiya waba ngumfundzi.—Imi 16:13-15.
“Ekuseni hlanyela inhlanyelo yakho, ungayekeli kusebenta lize liyewushona.” (Ec 11:6)
BUKELA I-VIDEO LETSI CHUBEKA USHUMAYELA “NGEKUTIMISELA”—KUFAKAZA UNGAKAHLELI NASEMTINI NGEMUTI, BESE UPHENDVULA LEMIBUTO:
-
Ekuphileni kwakhe kwamalanga onkhe, Samuweli wakhombisa njani kutsi abetimisele kuhlanyela inhlanyelo yeliciniso?
-
Kungani kungakafaneli siphele emandla nasisebentisa tindlela letehlukehlukene emsebentini wekushumayela?
-
Bobani longafakaza kubo ngeMbuso ekuphileni kwakho kwamalanga onkhe?
KUFUNDZISA
Nasenta bafundzi, akukafaneli sigcine ngekuniketa bantfu tincwadzi. Kufanele sibuyele kubo futsi sibachubele tifundvo teliBhayibheli kuze sibasite batfutfuke. (1Ko 3:6-9) Kufanele sente njani nangabe bangasitakali ngisho noma sesente konkhe lesingakwenta? (Mat 13:19-22) Kufane sichubeke sifuna labo labafana ‘nemhlabatsi lomuhle.’—Mat 13:23; Imi 13:48.
“Mine ngahlanyela, Apholosi wanisela, kodvwa Nkulunkulu wachubeka akhulisa.” (1Ko 3:6)
BUKELA I-VIDEO LETSI CHUBEKA USHUMAYELA “NGEKUTIMISELA”—ETINDZAWENI LETIPHITSITELAKO NEKWENTA BAFUNDZI, BESE UPHENDVULA LEMIBUTO:
-
Solomon na-Mary bayinisela njani inhlanyelo yeliciniso lebeyisetinhlitiyweni tabo-Ezekiel na-Abigail?
-
Kufanele ube yini umgomo wetfu kuto tonkhe tindlela tekushumayela, lokufaka ekhatsi kushumayela etindzaweni letiphitsitelako?
-
Singakhombisa njani kutsi sitimisele mbamba kufundzisa labanye liciniso?
