KUPHILA KWEMAKHRISTU
Yini Lebaluleke Kakhulu Kimi?
Jakobe walwa nengilosi kute atfole intfo lebeyibaluleke kakhulu, lokusibusiso saJehova. (Gen 32:24-31; Hos 12:3, 4) Tsine ke? Sitimisele yini kwenta konkhe lokusemandleni etfu kute silalele Jehova futsi sitfole sibusiso sakhe? Nasi sibonelo, nangabe bekungatsiwa khetsa emkhatsini wekuya emhlanganweni yelibandla, nekuyosebenta ema-awa langetiwe emsebentini wekutiphilisa, bowungakhetsa kuyaphi? Nasipha Jehova sikhatsi setfu sonkhe, emandla etfu futsi senta konkhe lokusemandleni kute simkhonte, Jehova utawutfululela ‘tibusiso letinyenti, size sehluleke kutfola indzawo leyenele yekutigcina.’ (Mal 3:10) Utasicondzisa, asivikele futsi asinikete konkhe lesikudzingako.—Mat 6:33; Heb 13:5.
BUKELA I-VIDEO LETSI HLALE UNAKE IMIGOMO YAKHO YEKUKHONTA JEHOVA, BESE UPHENDVULA LEMIBUTO LELANDZELAKO:
-
Lodzadze wavivinywa njani ngentfo lebekayitsandza?
-
Umsebenti wekutiphilisa ungasivivinya njani?
-
Kungani Thimothi bekufanele achubeke atibekela imigomo ngisho nobe besekangumKhristu lovutsiwe?—1Tm. 4:16
-
Yini lebaluleke kakhulu ekuphileni kwakho?
Sikhombisa njani kutsi ngumuphi “umsebenti lobaluleke kakhulu” kitsi?
