KUPHILA KWEMAKHRISTU
Khumbula UmkaLoti
Kungani umkaLoti abuka emuva nakabaleka eSodoma? LiBhayibheli alisho. (Ge 19:17, 26) Emavi aJesu lasecwayiso akhombisa kutsi kungenteka walangatelela tintfo labekatishiye emuva. (Luk 17:31, 32) Singenta njani kute singalahlakelwa ngumusa waNkulunkulu njengoba kwenteka kumkaLoti? Kufanele singavumeli kufuna umcebo kute kucala ekuphileni kwetfu. (Mat 6:33) Jesu wasifundzisa kutsi ‘ngeke sikhonte Nkulunkulu kanye nemcebo.’ (Mat 6:24) Kodvwa kutsiwani nangabe siyabona kutsi kufuna umcebo sekuphatamisa buhlobo betfu naNkulunkulu? Kufanele sithantaze kuJehova kutsi asiphe kuhlakanipha kute sibone lapho kufanele sente lushintjo khona, futsi simcele asiphe emandla nesibindzi sekukwenta loko.
BUKELA I-VIDEO LENETINCENYE LETINTSATFU LETSI KHUMBULA UMKALOTI, BESE UPHENDVULA LEMIBUTO LELANDZELAKO:
-
Ngingakhombisa njani ngetento kutsi ‘ngiyamkhumbula umkaLoti’?
Indlela Gabi lebekacabanga ngayo, akhuluma ngayo, nalabekenta ngayo tintfo yatsintseka njani ngesikhatsi bamcindzetela kutsi abe nemali lenyenti?
-
Sibonelo semkaLoti sisecwayisa njani tsine lamuhla?
-
Kuphila ngetimiso teliBhayibheli kwamsita njani Joe kanye nemndeni wakhe?
-
Bantfu lebebasebenta na-Anna babuphatamisa njani buhlobo bakhe naNkulunkulu?
-
Kungani sidzinga sibindzi nangabe labanye basicindzetela kutsi sibeke umcebo kucala ekuphileni kwetfu?
-
Brian naGabi benta njani kute baphindze bente buhlobo babo naNkulunkulu bute kucala ekuphileni kwabo?
-
Ngutiphi timiso teliBhayibheli lotibonile kule-video?
