Kungani kufanele sicitse sikhatsi nebantfu labatsandza Jehova? Kungoba bantfu lesakha bungani nabo bangasikhutsata kutsi sente lokulungile nobe sente lokubi. (Tag 13:20) Nasi sibonelo, iNkhosi Jowashi ‘beyenta lokuhle emehlweni aJehova’ ngesikhatsi ihlala neMphristi Lophakeme, Jehoyada. (2Khr. 24:2) Ngemuva kwekufa kwaJehoyada, Jehowashi wamshiya Jehova ngobe wabese wabese wakha bungani nebantfu lababi.—2Khr. 24:17-19.

Ngelikhulu lekucala leminyaka, umphostoli Pawula wafananisa libandla lebuKhristu ‘nendlu lenkhulu’ kwase kutsi emalunga elibandla wawafananisa ‘netitja’ nobe tintfo letisendlini. Sihlale ‘sititja telikhetselo’ nangabe sigwema kwakha bungani nanome ngubani lowenta tintfo letingamjabulisi Jehova, ngisho nobe kulilunga lemndeni nobe lilunga lelibandla. (2Thim. 2:20, 21) Ngako-ke, shengatsi singachubeka sakha bungani nebantfu labatsandza Jehova nalabasikhutsata kutsi simkhonte.

BUKELANI I-VIDEO LETSI TATI TINDLELA TEKUGWEMA BANGANI LABABI, BESE NIPHENDVULA LEMIBUTO LELANDZELAKO:

• Ngutiphi tintfo letingasenta sitikhandze sesakha bungani nebantfu lababi singakanaki?

• Kule-video, yini lesite lamakhristu lamatsatfu kutsi ayekele kwakha bungani nebantfu lababi?

• Ngutiphi timiso letiseBhayibhelini letingakusita kutsi ukhetse bangani ngekuhlakanipha?