KUBALULEKE NGANI: Jehova wenta kutsi inhlanyelo yeliciniso ikhule etinhlitiyweni talabo ‘labatimisele kutfola kuphila lokuphakadze.’ (Imi 13:48; 1Ko 3:7) Sisebenta naJehova ngekutsi sinake kakhulu labo labatimisele kusilalela emsebentini wekushumayela. (1Ko 9:26) Bantfu lesifundza nabo liBhayibheli kufanele babone kutsi kubhajatiswa kubalulekile kute basindze. (1Ph 3:21) Siyabasita kutsi bafundze indlela yekwenta tingucuko ekuphileni kwabo, indlela yekushumayela, yekufundzisa nekunikela ngekuphila kwabo kuJehova.—Mat 28:19, 20.

INDLELA YEKUKWENTA:

• Khumbuta labo lofundza nabo liBhayibheli kutsi injongo yekufundza nabo, kubasita kutsi ‘bamati’ Jehova futsi bamjabulise. —Joh 17:3

• Basite kutsi batfutfukise buhlobo babo naJehova ngekutsi bamelane netinkinga, letifaka ekhatsi imikhuba lemibi kanye nekujwayelana nebantfu labasolisako

• Bacinise uphindze ubakhutsate nabasengakabhajatiswa nanasebabhajatisiwe.—Imi 14:22

BUKELA I-VIDEO LETSI JEHOVA NKULUNKULU UTAKUSITA, BESE UPHENDVULA LEMIBUTO LELANDZELAKO:

• Yini lengenta umuntfu esabe kutinikela kanye nekubhajatiswa?

• Labadzala bangabasita kanjani labo labafundza liBhayibheli kutsi batfutfukise buhlobo babo naJehova?

• Isaya 41:10 usifundzisani ngaJehova?

• Nanobe sinesono, ngubuphi buntfu lobungasenta kutsi sikhonte Jehova ngendlela layemukelako?