Tikhatsi letinyenti emlandvweni, tiphatsimandla tibasitile bantfu baJehova. (Ezra 6:1-12; Esta 8:10-13) Ngisho nasesikhatsini setfu, sitibonile tiphatsimandla talelive (letimelela ‘umhlaba’) tenta tento tekucabangela, ngekugwinya “umfula” lomelela kuhlushwa lokubangelwa ngudrako, Sathane Develi. (Semb. 12:16) Jehova ‘longuNkulunkulu wensindziso,’ ngaletinye tikhatsi angabangela kutsi babusi bakhulule bantfu bakhe.—Hla. 68:20; Taga 21:1.

Utawenta njani nangabe uvalelwe ejele ngenca yekukholwa kwakho? Ciniseka kutsi Jehova uyakubona. (Gen. 39:21-23; Hla. 105:17-20) Ciniseka nekutsi kukholwa kwakho kutawuba nemvuzo futsi bucotfo bakho buyabakhutsata bazalwane labasemhlabeni wonkhe.—Fil. 1:12-14; Semb. 2:10.

BUKELA I-VIDEO LETSI BAZALWANE BASEKOREA BAKHULULWA EJELE, BESE NIPHENDVULA LEMIBUTO LELANDZELAKO:

• Kungani bazalwane betfu labanyenti bebasolo bavalelwe ejele lase-South Korea kuyoyonkhe leminyaka?

• Ngumuphi umtsetfo wenkantolo lowenta kutsi labanye bazalwane bakhululwe ejele?

• Singabasita njani bazalwane betfu emhlabeni wonkhe lababoshelwe kukholwa kwabo?

• Singayisebentisa njani inkhululeko lesinayo nyalo?

• Ngalokuyinhloko, ngubani losisita kutsi siphumelele enkantolo?