Kusukela nga-2018 magazini ngamunye kubomagazini betfu labahanjiswako bewuba nesihloko sawo. Bonkhe labomagazini bayincenye yemathulusi etfu ekufundzisa. Ngako singabasebentisa emsebentini wekushumayela. Singaphatsa labambalwa nangabe sivakasha nobe siyotsenga. Labomagazini abakentelwa kutsi sichube tifundvo teliBhayibheli nebantfu, kepha bangamenta umuntfu kutsi abe nesifiso sekufundza kabanti ngaNkulunkulu.

Ngemuva kwekucoca nemuntfu, mfundzele umbhalo bese ukhuluma ngesihloko lesikumagazini lesitamkhanga. Nasi sibonelo, nangabe akhulisa bantfwana nobe nangabe aselusizini nobe acindzetelekile, ungahle utsi: “Ngike ngafundza sihloko lesimnandzi lesikhuluma ngalendzaba. Ngingakukhombisa?” Nangabe ubona kutsi unesifiso sekufundza, ungamniketa magazini loshicilelwe nobe umtfumelele wona ngentfo yakho yebuchwephesha ngisho nobe ucala kucoca naye. Nanobe umgomo wetfu loyinhloko ungasiwo kuhambisa tincwadzi, bomagazini bangasisita kutsi sikwati kutfola bantfu labafuna kutsatsa sinyatselo ngaloko labakufundzako.—Imi 13:48.