KUPHILA KWEMAKHRISTU
Mema Bonkhe Bantfu Ensimini Yelibandla Kutsi Bete ESikhumbutweni!
Kulomkhankhaso lotawucala mhlaka 27 February, sitawumema bantfu labanyenti endzaweni yakitsi kute bagubhe Sikhumbuto sekufa kwaKhristu kanye natsi. Kufanele sibuyele kubo bonkhe bantfu lesibanikete simemo.
LOKUFANELE SIKWENTE
SHANO INSHUMAYELO YAKHO
“Siniketa bantfu lesimemo kute babe khona emkhosini lobaluleke kakhulu. Emhlabeni wonkhe tigidzi tebantfu titawube tihlangene mhlaka 23 March, tikhumbula kufa kwaJesu Khristu tiphindze tilalele inkhulumo lesekelwe eBhayibhelini lemayelana nekutsi kusisita ngani kufa kwaJesu. Lesimemo sinesikhatsi kanye nendzawo lakutobanjelwa khona lomkhosi. Ucelwa kutsi nawe ute nawungakhona.”
Nangabe umuntfu lococa naye akujabulela loko . . .
-
MNIKETE SICONGOSEKULINDZA
Beka sisekelo sekubuyela kuye.
-
MKHOMBISE I-VIDEO YESIKHUMBUTO
Beka sisekelo sekubuyela kuye.
Nawubuyela kulococe naye . . .
-
UNGAMKHOMBISA I-VIDEO LETSI KUNGANI KUFANELE UTADISHE LIBHAYIBHELI?
Bese umniketa incwadzi lesiyisebentisa nasifundza nebantfu.
-
UNGAMNIKETA INCWADZI LETSI LIFUNDZISANI MBAMBAMBAMBA LIBHAYIBHELI?
Cocani kabanti ngeSikhumbuto nisebentise emakhasi 206-208, bese umniketa yona.
-
MNIKETE INCWAJANA LETSI LALELA NKULUNKULU KUTE UPHILE PHAKADZE
Coca naye mayelana nekutsi kusisita ngani kufa kwaKhristu, usebentisa emakhasi 18-19 bese umniketa lencwajana.
