KUPHILA KWEMAKHRISTU
Kutfutfukisa Emakhono Etfu Emsebentini Wekushumayela—Kusebentisa Imibuto Ngemphumelelo
KUBALULEKE NGANI: Nangabe “tinjongo tenhlitiyo yemuntfu tifanana nekujula kwemanti emtfombo,” imibuto singayifananisa nelibhakede lekuwakha. (Tag 20:5) Imibuto yenta labasilalele babe nencenye endzabeni. Timphendvulo temibuto lekhetfwe kahle tisenta sibone umphumela wekufundzisa kwetfu. Jesu wayisebentisa ngemphumelelo imibuto. Singamlingisa njani?
INDLELA YEKUKWENTA:
-
Buta imibuto yekutfola umbono wemuntfu. Jesu wabuta imibuto kuze atfole umbono webafundzi bakhe. (Mat 16:13-16; be 238 ¶3-5) Ngumiphi imibuto longayibuta kuze utfole umbono walokulalele?
-
Buta imibuto yekusita umuntfu atfole liphuzu. Kuze alungise kucabanga kwaPhetro, Jesu wambuta imibuto futsi wamkhetsisa emkhatsini wetimphendvulo labetivetile, kanjalo wamsita kutsi atfole siphetfo lesifanele. (Mat 17:24-26) Ngumiphi imibuto longayibuta kuze usite lokulalele atfole siphetfo lesifanele?
-
Mbonge lokhuluma naye. Jesu wasibonga sati semtsetfo ‘lesasiphendvule ngekuhlakanipha.’ (Mak 12:34) Nangabe lococa naye aphendvula umbuto, ungambonga utsini?
BUKELANI INCENYE YEKUCALA YE-VIDEO LETSI YENTA UMSEBENTI LOBEWENTIWA NGUJESU—FUNDZISA, BESE NIPHENDVULA LEMIBUTO LELANDZELAKO:
-
Kungani lendlela yekufundzisa ingaphumeleli, nanobe lokushiwo ngulommemeteli kuliciniso?
-
Kungani kungakafaneli sigcine ngekuchaza lesikufundzisako?
BUKELANI INCENYE YESIBILI YALE-VIDEO, BESE NIPHENDVULA LEMIBUTO LELANDZELAKO:
-
Lomzalwane uyisebentise njani imibuto ngemphumelelo?
-
Yini lenye lesingayilingisa endleleni yakhe yekufundzisa?