Ngesikhatsi Jesu alapha emhlabeni, wagcizelela lomyalo lotsi: “Hlonipha uyihlo nenyoko.” (Eks 20:12; Mat 15:4) Jesu wakhuluma ngekukhululeka lokukhulu ngobe “wachubeka abalalela” batali bakhe ngisho asemusha. (Luk 2:51) Nasekakhulile futsi sekatawufa, Jesu waciniseka kutsi make wakhe abetawunakekeleka.​—Joh 19:26, 27.

Ngisho nalamuhla, labasha labangemaKhristu labalalela batali babo futsi bakhulume nabo kahle basuke bakhombisa kutsi bayabahlonipha. Ecinisweni, lomyalo lotsi kufanele sihloniphe batali betfu awuphelelwa sikhatsi. Ngisho noma batali betfu sebakhulile, kufanele sichubeke sibahlonipha, siphindze sichubeke sifundza esibonelweni sabo lesihle. (Tag 23:22) Batali betfu lasebakhulile siyabahlonipha nangabe sibanakekela nababhekene netimo letibacedza emandla kanye nangetimali nakunesidzingo. (1Tm 5:8) Kungakhatsaliseki kutsi sibancane nome sibadzala, kuhlala sikhulumisana kahle nebatali betfu kuyindlela lekahle yekubakhombisa inhlonipho.

BUKELANI I-VIDEO YEMIDVWEBO YABOPOPAYI LENESIHLOKO LESITSI HOW CAN I TALK TO MY PARENTS? BESE NIPHENDVULA LEMIBUTO LELANDZELAKO:

• Kungani kungahle kube lukhuni kukhuluma nebatali bakho?

• Ungakhombisa njani kutsi uyabahlonipha batali bakho nawukhuluma nabo?

• Kungani kudzinga imetamo kukhuluma nebatali bakho? (Tag 15:22)