KUPHILA KWEMAKHRISTU
Chubeka Ulindzele Ngekulangatelela Lokukhulu
Sesinganani sikhatsi solo ulindzele kutsi uMbuso waNkulunkulu ufike? Solo ubeketelela bumatima yini? (Rom 8:25) Lamanye emaKhristu ayatondvwa, aphatfwa kabi, ayaboshwa, aze asongelwe ngisho nangekubulawa. Lamanyenti abeketelela kugula lokungumahlalakhona noma kuguga.
Yini lengasisita sihlale silindzele ngekulangatelela nasisetinkingeni? Kufanele sicinise kukholwa kwetfu ngekutsi silifundze onkhe malanga liBhayibheli bese sicabangisisa ngalesikufundzile. Kufanele sihlale sinake litsemba letfu. (2Ko 4:16-18; Heb 12:2) Kufanele sithantaze kuJehova sicele emandla emoya wakhe longcwele. (Luk 11:10, 13; Heb 5:7) Babe wetfu lositsandzako angisisita ‘sicinisele ngalokuphelele ngekubeketela nangenjabulo.’—Kho 1:11.
BUKELA I-VIDEO LETSI KUFANELE ‘SIGIJIME NGEKUCINISELA’—CINISEKA KUTSI UTAWUTFOLA UMKLOMELO, BESE NIPHENDVULA LEMIBUTO LELANDZELAKO:
-
Ngutiphi tentakalo lesingakatilindzeli letingasivelela ekuphileni? (Shu 9:11)
-
Kuthantaza kusisita njani nasisetinkingeni?
-
Nangabe singasakhoni kwenta lokunyenti ekukhonteni Jehova njengobe besenta, kungani kufanele sinake kakhulu loko lesikhona kukwenta?
-
Hlale unake umhlomelo
Yini lekusita uhlale uciniseka kutsi utawutfola umhlomelo?
