KUBALULEKE NGANI: Bantfu kufanele babite libito laJehova kute basindziswe. (Rom 10:13, 14) Nobe kunjalo, akusibo bonkhe labavuma kutsi sifundze nabo liBhayibheli labafuna kuphila ngetimiso taJehova. Sikhatsi setfu sisisebentisa kahle emsebentini wekushumayela ngekutsi sisite labo labafuna kushintja kuphila kwabo kute bajabulise Jehova. Nangabe lesifundza naye liBhayibheli angalwenti lushintjo ngisho nobe asanesikhatsi lesidze afundza, ngekuhlakanipha siyayekela kufundza naye bese sisebentisa sikhatsi setfu kute sisite labo Jehova labadvonsela kuye nasenhlanganweni yakhe. (Joh 6:44) Kodvwa nangabe loyo lebesifundza naye sekafuna kwenta lushintjo futsi akhombisa kutsi ‘utimisele kutfola kuphila lokuphakadze,’ siyachubeka nekufundza naye liBhayibheli.—Imi 13:48.

INDLELA YEKUKWENTA:

• Sibonge sifundvo sakho ngekufuna kutfola lwati lolungulonalona. —1Tm 2:4

• Gcizelela kubaluleka kwekusebentisa loko lakufundzile.—Luk 6:46-49

• Ngemusa mchazele ngemfanekiso waJesu wemhlanyeli, bese umcela kutsi acabangisise ngaloko bekumvimbela kutsi ente lushintjo.—Mat 13:18-23

• Ngekuhlakanipha chaza kutsi kungani niyekela kufundza

• Mtjele kutsi utawuhle umvakashela kute umkhutsate nekutsi lesifundvo singachubeka esikhatsini lesitako nangabe enta lushintjo

BUKELA I-VIDEO LETSI KUYEKELA KUFUNDZA NETIFUNDVO LETINGATFUTFUKI, BESE UPHENDVULA LEMIBUTO LELANDZELAKO:

• Yini loyifundzile kulenconciswano lekhombisa kutsi lomfundzi bekangalwenti lushintjo nakafundza liBhayibheli?

• Lommemeteli wamsita njani umfundzi kutsi abone kutsi bekadzinga kwenta lushintjo?

• Lommemeteli wakhombisa njani kutsi akamvaleli ematfuba ekutsi angaphindze acele kutsi lesifundvo sichubeke?