Nawubuka imbali lenhle, sibhakabhaka lesicwebetelako, nobe libhudlo lelikhulu, uyawubona yini umsebenti lowentiwe nguMdali? Indalo iveta bunguye baJehova lobungabonakali. (Rom 1:20) Ngekutinika sikhatsi sekucabanga ngaloko lesikubonako, sitawukhona kuwabona emandla aNkulunkulu, lutsandvo lwakhe, inhlakanipho nebubele ngisho nekwephana kwakhe.—Hla 104:24.

Nguyiphi indalo yaNkulunkulu loyibona onkhe malanga? Nobe ngabe uhlala edolobheni, uyatibona tinyoni netihlahla. Kunakisisa indalo yaJehova kungasisita sinciphise kukhatsateka, sinake tintfo letibaluleke kakhulu, futsi simetsembe kakhulu Jehova kutsi utasinakekela kuze kube phakadze. (Mat 6:25-32) Nangabe unebantfwana, basite bakhone kubona bunguye baJehova lobungeke bucatsaniswe nalutfo. Sitawusondzela kakhulu kuMdali wetintfo tonkhe nangabe sichubeka sikhombisa kutsi siyayijabulela indalo yakhe.—Hla 8:3, 4.

BUKELA I-VIDEO LETSI BUHLE BENDALO BUKHATIMULISA NKULUNKULU—UMBALA NEKUKHANYA, BESE UPHENDVULA LEMIBUTO LELANDZELAKO:

• Yini lesenta sibone imibala?

• Yini leyenta sikhone kubona imibala leyehlukene entfweni yinye?

• Kungani sibona imibala leyehlukahlukene esibhakabhakeni?

• Ngumiphi imibala legcamile loyibonako leseceleni kwalawuhlala khona?