LiBhayibheli labiketela kutsi Sathane utasiphatsa kabi kute avimbe umsebenti wekushumayela. (Joh 15:20; Sem 12:17) Singawasita njani emaKhristu laphatfwa kabi kulamanye emave? Singawathantazela. “Kuncusa kwemuntfu lolungile kunemandla futsi kuyasebenta.”—Jak 5:16.

Yini lesingayithantazela? Singacela Jehova kutsi abaphe sibindzi labazalwane nabodzadzewetfu futsi abasite bangesabi. (Isa 41:10-13) Singaphindze sithantazele labo labasemagunyeni kutsi bawutsandze umsebenti wekushumayela “kuze sitewuchubeka siphila imphilo yekuthula.”—1Tm 2:1, 2.

Ngesikhatsi Pawula naPhetro baphatfwa kabi, emaKhristu abathantazela aze ababita ngemabito abo. (Imi 12:5; Rom 15:30, 31) Ngisho nobe singawati onkhe emagama alabo labaphatfwa kabi, singawasho emabandla labakuwo, emave abo nobe tindzawo labakuto.