Nangabe ungulosemusha longummemeteli longakabhajatiswa nobe usafundzelwa liBhayibheli, utibekele yini umgomo wekubhajatiswa? Kungani kufanele ubhajatiswe? Kutiniketela nekubhajatiswa kutakwenta ube nebuhlobo lobuhle naJehova. (Hl 91:1) Kutakwenta nekutsi usindziswe. (1Ph 3:21) Yini letakusita kutsi ufike lapho?

Titfolele wena kutsi leli liciniso. Nawunemibuto, cwaninga. (Rom 12:2) Nawubona kutsi kufanele wente lushintjo ekuphileni kwakho lwente, ngobe ufuna kujabulisa Jehova. (Tag 27:11; Efe 4:23, 24) Hlale uthantaza umcele kutsi akusite. Ciniseka kutsi utakucinisa futsi akusekele ngemoya wakhe longcwele. (1Ph 5:10, 11) Angeke utisole ngemetamo loyentako. Kukhonta Jehova kuyindlela lencono kakhulu yekuphila!—Hl 16:11.

BUKELA I-VIDEO LETSI, INDLELA LEYA EKUBHABHATISWENI, BESE NIPHENDVULA LEMIBUTO LELANDZELAKO:

• Ngutiphi tinkinga labanye lokudzingeke batincobe kuze babhajatiswe?

• Ungakwakha njani kukholwa lokudzingekako kuze utiniketele kuJehova?

• Yini lesite labanye kutsi bente lokudzingekile kuze babhajatiswe?

• Jehova ubabusisa njani labo labakhetsa kumkhonta?

• Kusho kutsini kutinikela nekubhajatiswa?