Njengobe Jehova ahlela ema-Israyeli, nalamuhla uhlele bantfu bakhe kutsi bente intsandvo yakhe. Emhlabeni wonkhe, emahhovisi eligatja, tigodzi, emabandla kanye nemacembu ensimu asebenta ngekubambisana kuze kuchutjekwe kushunyayelwa tindzaba letimnandzi. Sishumayela bonkhe bantfu, ngisho nalabo labakhuluma lulwimi lolwehlukile kulwetfu.—Sem 14:6, 7.

Sewuke wakucabanga yini kufundza lolunye lulwimi kuze usite labanye bafundze liciniso? Ngisho nobe ute sikhatsi sekufundza lulwimi lolusha, ungasebentisa i-JW Language app kuze ufundze incociswano lemelula. Ngemuva kwekuyisebentisa nawushumayela, utawutfola injabulo leyatfolwa ngemaKhristu angelikhulu lekucala ngesikhatsi bantfu bakuletinye tive bamangaliswa kuva imisebenti “lemangalisako yaNkulunkulu” ngelulwimi lwabo.—Imi 2:7-11.

BUKELA I-VIDEO LETSI, BANI NGUMNGANI WAJEHOVA—KUSHUMAYELA NGALOLUNYE LULWIMI, BESE NIPHENDVULA LEMIBUTO LELANDZELAKO:

• Ungayisebentisa nini i-JW Language app?

• Ngutiphi letinye tintfo letitfolakala kuyo?

• Bantfu labasensimini lokuyo bakhuluma tiphi tilwimi?

• Yini lokufanele uyente nangabe umuntfu lokhuluma lolunye lulwimi akhombisa kutsi uyatitsandza tindzaba letimnandzi teMbuso? —od-ZU 100-101 ¶39-41