KUPHILA KWEMAKHRISTU
Imihlangano Yesifundza Lebakhona Minyaka Yonkhe Isiniketa Ematfuba Ekukhombisa Lutsandvo
Yini lesenta siyijabulele kangaka imihlangano yetfu yesifundza lebakhona minyaka yonkhe? Njengaka-Israyeli, imihlangano yesifundza lamuhla isinika litfuba lekukhonta Jehova sikanye nemakhulu nobe tinkhulungwane temakholwa lesikanye nawo. Sijabulela imfundvo levela kuNkulunkulu. Sisitsatsa njengalesiligugu sikhatsi lesisicitsa nebangani betfu kanye nemindeni yetfu. Ngenca yekutsi sibonga kakhulu ngayo, loko kusenta kutsi sibekhona omatsatfu emalanga.
Nasitfola litfuba lekuhlangana ndzawonye, akukafaneli nje sigcine ngekucabanga ngaloko lesingakuzuza, kodvwa sicabange nangendlela lesingakhombisa ngayo labanye lutsandvo. (Gal 6:10; Heb 10:24, 25) Nasibambela labanye sivalo nobe sibeka kuphela indzawo lesitayisebentisa, sisuke sikhombisa kutsi siyabacabangela labanye. (Flp 2:3, 4) Imihlangano yesifundza isiniketa ematfuba lamahle ekwakha bangani labasha. Ngaphambi kwemhlangano, ngemuva kwawo nangesikhatsi selikhefu, singatibekela umgomo wekukhuluma nemuntfu lesingamati. (2Kt 6:13) Bungani lesibakhako bungahlale bukhona kuze kube phakadze! Ngetulu kwako konkhe, nangabe labanye babona kutsi sitsandzana mbamba, bangagcine sebakhonta Jehova kanye natsi.—Joh 13:35.
BUKELA I-VIDEO LETSI, IMIHLANGANO YETIVE LENESIHLOKO LESITSI: “LUTSANDVO ALUYOKE LUPHELE,” BESE NIPHENDVULA LEMIBUTO LELANDZELAKO:
-
Tivakashi letisuka kulamanye emave takhonjiswa njani lutsandvo emhlanganweni wetive wanga-2019?
-
Kungani bumangalisa bunye nelutsandvo lolukhona emkhatsini webantfu baJehova?
-
Emalunga eSigungu Lesibusako aluchaza njani lutsandvo lwemaKhristu?
-
Yini longayenta kuze ufake sandla kulolutsandvo loluba khona emihlanganweni yetfu yesifundza?
Lutsandvo lwemaKhristu lwabenta njani bazalwane betfu baseJalimane nebaseSouth Korea baba nebunye?
-
Yini lokufanele sitimisele kuyenta?
