TIMISELE EMSEBENTINI WEKUSHUMAYELA | YANDZISA INJABULO YAKHO EMSEBENTINI WEKUSHUMAYELA
Sita Lofundza Nabo LiBhayibheli Kutsi Baye Emihlanganweni Yelibandla
Imihlangano yelibandla iyincenye lebalulekile yekukhonta lokuhlantekile. (Hl 22:22) Bonkhe bantfu labahlangana ndzawonye kute bakhonte Jehova batfola injabulo netibusiso. (Hl 65:4) Lesifundza nabo liBhayibheli bavame kutfutfuka kakhulu nangabe baya njalo emihlanganweni yelibandla.
Ungabasita njani labo lofundza nabo liBhayibheli kutsi baye emihlanganweni yelibandla? Chubeka ubamema kutsi babe khona. Bakhombise i-video letsi Yini Leyentekako EHholweni LeMbuso? Mchazele ngetinzuzo tekuba khona kulemihlangano. (lff sifundvo 10). Ungamtjela ngeliphuzu lolifundze emihlanganweni nobe umtjele ngaloko lokutawucocwa ngako emhlanganweni lolandzelako. Niketa lofundza nabo liBhayibheli tincwadzi letitawusetjentiswa emihlanganweni. Ungaphindze ubanikete lusito labaludzingako. Mhlawumbe badzinga kwekuhamba. Nome ngabe ngumuphi umetamo lowentako utawuba nemiphumela lemihle nawubona loyo lofundza naye eta emhlanganweni kwekucala.—1Kt 14:24, 25.
BUKELANI I-VIDEO LETSI SITA LOFUNDZA NABO LIBHAYIBHELI KUTSI BAYE EMIHLANGANWENI YELIBANDLA, BESE NIPHENDVULA LEMIBUTO LELANDZELAKO:
-
Nguliphi litfuba Neeta lalisebentisile kuze ameme Jade kutsi aye emihlanganweni yelibandla?
-
Kungani sijabula nangabe lesifundza naye liBhayibheli aya emihlanganweni?
-
“Nembala Nkulunkulu unani”
Kwentekani kuJade nakacala kuya emihlanganweni yelibandla?
