Kute ube lihlahlandlela lelivamile kudzingeka ube neluhlelo loluhle. Nangabe ushumayela ema-awa langu-18 ngeliviki, ungaba lihlahlandlela futsi ube naso sikhatsi sekwenta tintfo takho. Luhlelo lolunjengalolu lukahle ngobe nobe kuvela timo longakatilindzeli letifana nekugula nobe simo selitulu lesibi, awuphatamiseki. Lelishadi lelingentasi lingaba lusito kubamemeteli labangayi onkhe malanga emsebentini wekutiphilisa nobe labo labaya onkhe malanga kanye nalabo labaphelelwa ngemandla nobe labanemphilo lebutsakatsaka labangakhoni kwenta lokunyenti emsebentini wekushumayela. Ngekwenta lushintjo lolutsite, mhlawumbe linye lilunga lemndeni lingaba lihlahlandlela ngaSeptember. Kungaba njani nicoce ngaloku ekukhonteni kwemndeni lokulandzelako?