Jehova wabasita bantfu labeswele ka-Israyeli wasendvulo. Ngutiphi letinye tindlela lasita ngato tikhonti takhe leteswele lamuhla?

• Utifundzise kutsi tibe nembono lokahle ngemali.—Luk 12:15; 1Tm 6:6-8

• Utisite kutsi titihloniphe.—Job 34:19

• Utifundzise kutsi tisebente kamatima futsi tigweme imikhuba lelimatako.—Tag 14:23; 20:1; 2Kt 7:1

• Utidvonsele enhlanganweni yakhe lenelutsandvo lwebuzalwane.—Joh 13:35; 1Jh 3:17, 18

• Utiniketa litsemba.—Hl 9:18; Isa 65:21-23

Ngisho nobe timo tetfu tingaba matima kangakanani, akukafaneli sikhatsateke. (Isa 30:15) Jehova utatinakekela tidzingo tetfu nangabe sichubeka sifuna uMbuso wakhe kucala.—Mat 6:31-33.

BUKELA I-VIDEO LETSI LUTSANDVO ALUYOKE LUPHELE NGISHO NOMA . . . UPHUYILE—E-CONGO, BESE NIPHENDVULA LEMIBUTO LELANDZELAKO:

• Bazalwane labahlala dvutane nalapho bekutawubanjelwa khona umhlangano wesifundza bawukhombise njani umoya wekungenisa tihambi kulabo labahlala khashane?

• Le-video isifundzisani ngendlela Jehova labatsandza ngayo labeswele?

• Singamlingisa njani Jehova ngisho nobe sinemcebo lomnyenti nobe seswele?